73 ел газетага тугрылык

Ул күрше Мамадыш районында туып үскән булса да, аны барысы да үз кешебез, дип йөртә. Шулай булмыйни, гомеренең күп өлеше районыбыз халкы арасында үткән бит аның. Ә беренче мәртәбә без аның белән  районыбызның иң эре торак пунктларының берсе - Күгәрчен авыл советы рәисе булып эшләгән  елларында ук очрашкан идек.

Көндәлек хезмәтемдә нинди генә сорау-үтенечләр буенча мөрәҗәгать итсәм дә ул һәрвакыт булышты, ярдәм итте. Кыскасы, матбугат кешеләрен дә, газетабызны да бик ярата иде. Ул чорларда әле аның районыбызга узган гасырның 1951 елында эшкә килгән көненнән башлап газетабызны бер айга да кичектермичә яздырып укуы турында сөйләве дә хәтердә калган. Әллә шуңа инде кайчан гына  элемтәгә керсәң дә, сорауларыма тулы итеп, бар яктан да  уйлап төпле җавабын бирә. Бер вакытта да бу яшь малай,  дип кенә карамады, үзен бик гади, җитди тотты, акыллы киңәшләрен бирде, гыйбрәтле хәлләре белән  теләп уртаклашты.

Идрис Аметов

Дәвамын «Авыл офыклары» газетасы битләрендә укый аласыз