Балык Бистәсе үзәген чыршы, кар сыннары бизи
Яңа ел алдыннан оешма-учреждениеләр каршында кардан ясалган төрле сыннар, бизәлгән чыршылар күрү һәрберебезнең күңелендә бәйрәм күтәренкелеге тудыра.
Быел да конкурс игълан ителүгә районыбызның бик күп оешмалары үзенчәлекле кар сыннары белән Яңа елны каршыларга әзерләнгәннәр.
26 декабрь кичендә, чыршы утлары кабынгач, район мәдәният бүлеге җитәкчесе Лилия Кәримуллина җитәкчелегендәге махсус комиссия әнә шул конкурска нәтиҗә ясар өчен юлга чыкты.
Кардан төрле җәнлек сыннары ясау иҗади эш. Монда осталык, күңел фантазиясе, әкият персонажларын боздан “кою” өчен тырышлык та таләп ителә.
-Тырышканнар, афәрин! – дигән мактау сүзләре ишетелде комиссия әгъзаларыннан. Ә инде йомгаклау нәтиҗәсен 31 нче декабрь көнне – Үзәк мәйданда булачак бәйрәм тантанасында игълан итәчәкләр. Җиңүчеләрне, призлы урынга ия булучыларны бүләкләр көтә.
Следите за самым важным и интересным в Telegram-каналеТатмедиа
