Район башлыгы Илдар Таҗетдинов балыкбистәлеләрне Корбан бәйрәме белән котлый!

Сезне чын күңелемнән Корбан бәйрәме белән котлыйм!

Гасырлар буена әлеге якты бәйрәм мөселман өммәтенең тормышында зур роль уйный, кешеләрне берләштерә, исламга иңдерә, борыңгы тарихка, гореф-гадәтләргә, борыңгылар насыйхәтләренә хөрмәт тәрбияли. Районыбыз мөселманнары бу традицияләрне үти һәм Корбан бәйрәмен зурлап үткәрә. Мөселман өммәте районыбыз тормышында актив эшчәнлек алып бара, яшь буынны тәрбияләүгә зур өлеш кертә, милләтара һәм динара мөнәсәбәтләрне булдыруда катнаша.

Бүгенге көндә районыбызда төрле милләт һәм дин вәкилләренең үзара дустанә, аңлашып яши. Авылларда яңадан-яңа мәчетләр, чиркәүләр төзелә, искеләре төзекләндерелә. Бу изге эштә барча район халкы катнаша. Ислам, православие һәм башка традицион дин вәкилләренең бер-берсенә карата дус-тату, үзара хөрмәт хисләре саклап, ярдәмләшеп яшәве киләчәктә дә туган җиребезнең тотрыклы үсешенә ышаныч тудыра.

Изге Корбан бәйрәме һәммәбезгә дә иман нуры, күңел күтәренкелеге, рух ныклыгы өстәп, яңа игелекле эш-гамәлләргә өндәсен! Гаиләләрегездә татулык, йортыгызга бәрәкәт, илгә-көнгә иминлек телим! Аллаһы Тәгалә безне ярдәменнән ташламасын!

Илдар Таҗетдинов,

Балык Бистәсе район башлыгы.