Яңа Арыш авылы китапханәсендә Яңа елны җырлап- биеп каршы алдылар.

Тик аларны бер үк вакытта күңелле дә, файдалы да итеп үткәрергә кирәк. Өйдә телевизор карап, яки компьютерда утырып кына көнне үткәрү зыянга гына булачак. Без дә,балаларның вакытларын күңелле, истә калырлык үткәрү максатыннанан, Яңа Арыш авылы китапханәсендә Яңа ел бәйрәме үткәрдек. Бәйрәмгә Кыш бабай белән Кар кызы килде. Балалар бик теләп Кыш бабайга үзләренең һөнәрләрен күрсәттеләр,шигырьләр сөйләделәр, җырладылар, биеделәр,төрле кызыклы уен, конкурсларда катнаштылар.Соңыннан Кыш бабай үзенең күчтәнәчләрен өләште. Бәйрәм күңелле узды. Матур чыгышлары белән сөендергән балаларга, хөрмәтләп карарга килүче авылдашларга олы рәхмәт хисләрен җиткерәсе килә. Яңа ел тынычлык алып килсен! Балаларның, аналарның күңелләре тыныч, күкләребез һәрчак аяз булсын! Яңа ел белән сезне, авылдашларым!

Рәзилә Мөхәммәтрәхимова.